Layihənin icraçıları Hesablama Palatası, Milli Məclis və digər maraqlı tərəflər ilə əməkdaşlıq və konstruktiv əlaqələr formalaşdırmış və inkişaf etdirmişdir. Hesablama Palatası birgə fəaliyyətlərin əlaqələndirilməsini dəstəkləmək, əməkdaşlıq perspektivlərini təmin etmək və layihənin icra müddətində bir çox fəaliyyətləri müştərək həyata keçirmək məqsədi ilə layihədə iştirak etməyə maraq göstərmişdir. Bundan əlavə, bir qrup millət vəkili layihə fəaliyyətlərinə tövhə verməyə hazır olduqlarını ifadə etmişdirlər.
Azərbaycanda fəaliyyət göstərən beynəlxalq təşkilatlar, Şərq Təfərdaşlığı
Vətəndaş Cəmiyyəti Forumu Azərbaycan Milli Platforması, xüsusilə qurumun iqtisadi inteqrasiya və Avropa
İttiqfaqının siyasətinə uyğunlaşma üzrə ikinci işçi qrupu, eləcə də müxtəlif KİV-lər ilə ikitərəfli və
çoxtərəfli əməkdaşlıq əlaqələri qurulmuşdur. İctimai maliyyənin kənar auditi, habelə Hesablama Palatasının
fəaliyyəti mövzularında vətəndaş cəmiyyətinin təxminən 25 nümayəndəsinin bacarıqlarını artırmaq
üçün Bakı və regionlarda təlim seminarları təşkil edilmişdir.
Layihə
çərçivəsində Bakıdan və regionlardan olan 25 KİV nümayəndəsinə ictimai maliyyəyə nəzarəti həyata
keçirən qurumların vəzifələri və fəaliyyətləri ilə əlaqədar beynəlxalq tələblər, eləcə də Azərbaycan
Respublikasının Hesablama Palatasının fəaliyyəti və hesabatları haqqında məlumat vermək məqsədi ilə iki təlim seminarı
təşkil olunmuşdur.
Dövlət maliyyə siyasəti və idarəetmə sahəsində məlumat mübadiləsi və
qarşılıqlı məsləhətləşmələr aparmaq məqsədi ilə Dünya Bankının maliyyə dəstəyi ilə həyata keçirilən
Korporativ və Dövlət Sektorlarında Hesabatlılıq Layihəsi (CAPSAP) ilə əlaqələr formalaşdırılmışdır. Layihənin
icraçıları ilə CAPSAP nümayəndələri arasında keçirilən görüş zamanı Hesablama Palatası ilə
əlaqədar həyata keçirilən fəaliyyətlərə dair fikir mübadiləsi aparılmış, eləcə də əməkdaşlıq və ortaq
fəaliyyət perspektivləri müzakirə edilmişdir.