SAHİBKARLIĞA VƏ BAZAR İQTİSADİYYATININ İNKİŞAFINA YARDIM FONDU

  
Bu gün: 24 Sentyabr 2018, Bazar ertəsi
AİB Azərbaycanda layihələrə 800 milyon dollardan çox vəsait ayırmağa hazırdır

Bakı. Azad Həsənli - Trend

14.09.2018.Asiya İnkişaf Bankı (AİB) 2019-2021-ci illər ərzində Azərbaycanda layihələrə 815 milyon dollar ayırmağa hazırdır.

Trend-in məlumatına görə, bu barədə bankın yeni biznes-planında deyilir.

2019-2021-ci illər üçün biznes-plan energetika, təhsil, maliyyə, İKT, dövlət sektorunun idarə olunması, su və şəhər infrastrukturları və xidmətlər sahəsində layihələrə vəsaitlərin ayrılmasını nəzərdə tutur.

Əsas diqqət ölkənin enerji sisteminin müasirləşdirilməsi (335 milyon dollar) və dövlət idarəetməsinin səmərəliliyinin artırılmasına (250 milyon dollar) verilir.

Həmin müddət ərzində bank həmçinin beş milyon dollar həcmində texniki yardım ayırmağı nəzərdə tutur.

Biznes-planda qeyd olunur ki, Asiya İnkişaf Bankı Azərbaycanda regional əməkdaşlıq və inteqrasiya üzrə təşəbbüslərin dəstəklənməsini davam etdirəcək.