SAHİBKARLIĞA VƏ BAZAR İQTİSADİYYATININ İNKİŞAFINA YARDIM FONDU

  
Bu gün: 11 Dekabr 2018, Çərşənbə axşamı
TAP rəhbəri: TANAP-ın inşasının başa çatması Avropada enerji təhlükəsizliyinin təmini yolunda mühüm addımdır

Bakı. Ləman Zeynalova - Trend

11.06.2018.Transanadolu qaz kəmərinin (TANAP) tikinti işlərinin başa çatması Avropada enerji təhlükəsizliyinin təmin edilməsi yolunda mühüm addımdır.

Bunu Trend-ə TAP-ın prezidenti Valter Piraer deyib.

O bildirib ki, TANAP üzrə işlərin yekunlaşması regionda enerji təhlükəsizliyinin, şaxələndirmə və karbonsızlaşdırmanın təmin edilməsi yolunda vacib addımdır.

V.Piraer qeyd edib ki, TAP Transanadolu qaz kəmərinin işə başlamasını alqışlayır:

"TANAP-ı "Cənub Qaz Dəhlizi"nin reallaşdırılması qrafikinə uyğun olaraq layihə üzrə işlərin uğurla başa çatması münasibətilə təbrik edirəm".

Qeyd edək ki, cari ildə ilk qaz TANAP vasitəsilə Türkiyəyə ixrac olunacaq. 2020-ci ilin əvvəlindən TAP kəmərinə birləşdiriləcək TANAP-ın ümumi ötürücülük həcmi 16 milyarda çatdırılacaq. Sonrakı mərhələlərdə isə kəmərin ötürücülük həcmi 31 milyard kubmetrədək artırıla bilər.

Xatırladaq ki, mayın 29-a Bakıda "Cənub Qaz Dəhlizi" layihəsinin təntənəli açılış mərasimi keçirilib. İyunun 12-də isə TANAP istismara veriləcək.